اتارى اسمها نور

شفتها اول يوم فى الكلية1993 فى سنة اولى وشدتنى جاذبيتها العالية

تانى يوم كنا اتقسمنا مجموعتين هى فى مجموعة وانا فى مجموعة

وبينى وبينكم مادورتش عليها لأن ما كانش فيه اى سبب

خاصة ان جمالها كان ليه هيبة كبيرة قوى

وانا طبيعى بخاف اتعامل مع الجميلات

يا دوب كنت باكتب لهم قصايدواحفظها فى الاجندة ومات الاكلام.

.

.

يوم ما كنت رايح اناقش البحث

لاقيتها مستنية عند نفس الدكتورة

ومعاها نفس البحث وهنتناقش سوا

يا لالالالى

واتارى اسمها نور

.

.

اول ماروحت كتبت القصيدة دى على طوول

.

.

واسمك نور يا نور عينى *** يا احلى عيون تنادينى

.

بحبك. . شوقى وحنينى *** يدلك ع اللى جوه القلب

.

واسمك نور يا اغلى الناس ***يا مالكانى هوى واحساس

.

فى سحرك قدك المياس *** ادوب طول عمرى وافضل احب

.

واسمك نور يا ست الحسن *** عيونك فيها نظرة حزن

.

تدوب احزانى ف عيونك *** واحزانك تتوه فى القرب

.

واسمها نور وبعشقها *** ونظرة عين بصدقها

.

ورؤية نفسى احققها *** وحلم جميل وحالة حب

__________________