الثلاثاء، يونيو 3

مع السلامة يا غالى

يا أغلى كلمة قلتها ومرت فى بالى *** يا أحلى غنوة فى الهوى زارت خيالى
وحياة ما فرق شملنا غدر الليالى *** إنتى الحبيبة ولسة حبك عندى غالى

حتى ان بعدنا ورحنا والايام خدتنا *** حتى ان نسينا روحنا والاحلام خانتنا
حتى ان لاقيتك فرحة ابعد من منالى *** انتى الحبيبة ولسة حبك عندى غالى

كانت حكايتى معاكى اجمل ما ف حياتى *** راحت حكايتى ورحتى واتبقت آهاتى
لكن فى قلبى لسة صوت سهران يلالى *** انتى الحبيبة ولسة حبك عندى غالى

يا طريق مشيته فى الهوى واحلام جميلة *** يا شموع وآدت وانطفت بين يوم وليلة
يا ملاك وساكن عند ابعد نجم عالى *** انتى الحبيبة ولسة حبك عندى غالى

مهما افترقنا وفرقت بينا الحدود *** مش هاسألك يا زمانى انك يوم تعود
ولا هاسأل الايام تحقق لى امالى *** انتى الحبيبة ولسة حبك عند غالى

هناك تعليق واحد:

غير معرف يقول...

عيش عيشت اهلك يا عم الكتكوت
حلم ايه اللى انت عيشه انا هبلغ عنك الحكومة تضبطك ضرايب عقارات و حتى لو مش عندك عربية و ياريت تسمعنى انا بحبك امريكا و بكرة الحكومة