يا مصر يا وطن ***مشتاق لك من زمان
عايش جواك لكنى***مش حاسس بالأمان
صعبان عليا إنى***مش قادر أكون جبان
والقلب عليك واكلنى***و محسسنى بهوان
صعبان عليا أقولها***ومعذبنى كمان
إنى ف حضنك يا غالى***مش مرتاح فى المكان
*****
يا مصر يا وطن ***مشتاق لك من زمان
*****
يا مصر يا وطن ***مشتاق لك من زمان
*****
حاسس بأنين وغربة *** وأنا دايب فى الوطن
الناس يمة ويمة *** غرقانين ف العطن
فيه ناس كتير غلابة *** تعصر قلبك شجن
وناس زى الديابة *** عايزين قطع اللسان
*****
يا مصر يا وطن ***مشتاق لك من زمان
*****
أما الناس الغلابة *** كتاكيت عايشين فى غابة
جاهلين بالحق لكن *** علما بفن الكآبة
فى الرغى مأصلين *** كالعزف على الربابة
لكن بعد الحكاوى *** ولا لينا دعوة يابا
ايدهم بالمال قصيرة *** فرسان من غير حصان
*****
يا مصر يا وطن ***مشتاق لك من زمان
*****
وف توصيف الديابة *** حدث ومافيش غرابة
واكلين الدنيا والعة *** بالأعلام والكتابة
ماسكين القوت فى إيدهم *** مايهمش غير جيوبهم
ماهو كل شيء نصيبهم *** المطرة والسحابة
حتى التسقيف بتاعهم *** وكراسى البرلمان
هاتفوقى يا مصر إمتى؟ *** قبل فوات الأوان
*****
يا مصر يا وطن ***مشتاق لك من زمان
حاسس بأنين وغربة *** وأنا دايب فى الوطن
الناس يمة ويمة *** غرقانين ف العطن
فيه ناس كتير غلابة *** تعصر قلبك شجن
وناس زى الديابة *** عايزين قطع اللسان
*****
يا مصر يا وطن ***مشتاق لك من زمان
*****
أما الناس الغلابة *** كتاكيت عايشين فى غابة
جاهلين بالحق لكن *** علما بفن الكآبة
فى الرغى مأصلين *** كالعزف على الربابة
لكن بعد الحكاوى *** ولا لينا دعوة يابا
ايدهم بالمال قصيرة *** فرسان من غير حصان
*****
يا مصر يا وطن ***مشتاق لك من زمان
*****
وف توصيف الديابة *** حدث ومافيش غرابة
واكلين الدنيا والعة *** بالأعلام والكتابة
ماسكين القوت فى إيدهم *** مايهمش غير جيوبهم
ماهو كل شيء نصيبهم *** المطرة والسحابة
حتى التسقيف بتاعهم *** وكراسى البرلمان
هاتفوقى يا مصر إمتى؟ *** قبل فوات الأوان
*****
يا مصر يا وطن ***مشتاق لك من زمان
هناك 17 تعليقًا:
عايش جواك لكنى***مش حاسس بالأمان
صعبان عليا إنى***مش قادر أكون جبان
جميلة جدا
تسلم الايادى
كلمات بيسطة فى حروفها كبيرة فى معناها
تحياتى
خالد
أشكر مرورك
وعلى فكرة أنا كملت القصيدة واتشرف برأيك
مع أسمى تحياتى
السلام عليكم
كيف حالك اخونا مصطفى لعلك بخير والحمد لله ..
القصيدة رائعة ومعبرة ..
وان شاء الله تعود لنا مصر من ايدي الفاسدين الذين افسدوا جوها وشوهوا وجهها البهي الجميل
لكم كل التحية
سيد الجنى
بسم الله الرحمن الرحيم
واحشانى تدويناتك وتعليقاتك
على فكرة
مصر فى ايدينا واحنا الفاسدين
قول ربنا يرزقنا باللى يصلحنا ولو بال.....العافية
مع خالص تحياتى
جميله ومعبره اوي تسلم اديك
فضفضة
الأجمل إنك قريتيها
ودايما عامر
تقبلى تحياتى
كلمات رائعه يا درش
فمصر هي الوطن ودوما ما تحن قلوبنا إليها
ولكن ليس الذنب ذنب مصر
بل ذنب من استحل ثروات مصر وشعب مصر
دمت مبدعا أخي مصطفى
كلمات مختصرة
ومعبرة عن وجعنا
تحياتي
وليد
السلام عليكم
جميله جداً
هاتفوقى يا مصر إمتى؟ *** قبل فوات الأوان
يا مصر يا وطن ***مشتاق لك من زمان
ومعاك بقول
فوقى بقى يامصر..متقومى بقى من النوم
أنتِ نومك تقيل كده ليه !! وحشتينا
ودمت بخير حال
ازيك؟؟
كل سنه وانت طيب
--------------------
انت منين يا مصطفى؟؟
مع إصرارى
كل عام و أنت بخير بمناسبة شهر رمضان الكريم
كلاماتك رائعة و معبرة
أمال ليه خليتنى أشك فى رأيك و أفهمك غلط فى تعليقك على تدوينة "أكل العيش" فى مدونة "أنا الريس"؟ أنا تركت لك تعليق هناك و حبيت أمر على مدونتك و أتشرف بيك
تحياتى
السلام عليكم
وكل عام وانتم بكل خير وعافية وستر ورمضان مبارك عليك ..
Ahmed_k
متشكر لمرورك ياأبو حميد
والله ما بقيت عارف الذمب عليهم ولا علينا
لو ما كناش بنتساق ما كانوش ساقونا
ربنا يرحمنا
كل سنة وانت طيب
والله بتوحشنى كتير
ربنا ما يحرمنيش منك
أم الخلود
أنا آسف لأنى ما تابعتش دعوتك الكريمة
ممكن أرجع تانى وأرد على حضرتك
تحياتى
عارفة مش عارق ليه
وليد
شكرا لمرورك
وقادر رينا يحول الأوجاع وتهون ونعبر عن حاجة تانى بقى
نقسى نعبر عن انتماءنا عن حماسنا عن فرحنا
أسعدنى مرورك وأرجو التواصل
واحد من العمال
كفر الزيات البلد والمحطة والمصنع منورين بسيادتكم
جميلة جدا مدوناتك وإلى تواصل دائم
تقبل تحياتى
Dodda
إززززيك!!
والله زمان
أنا آسف لطول الغياب
كل سنة وانتى طيبة ورمضان جميل كريم مبارك
أنا من هنا من مصر
من هنا من القاهرة
أمال إنتى منين؟؟
Dr. Kafy
أهلا يا دكتور
أنا اللى اتشرقت بيك
لكن حضرتك شكيت فى إيه؟
إن أنا مش تعبان يعنى وبتوجع زى الناس؟
ربنا يسامحك
لأ تعبان يا أخويا مقهور يا سيدى آخ آخ آخ ارتحت
حضرتك نورت المدونة واسمحلى بالتواصل معاك هنا وعندك وفى " أكل عيش"
نقبل تحياتى
جنى
عم الحاج سيد
واد البلد الجدع
واللى دايما سباق بالخير وبخاصة فى رمضان الجميل
كل سنةوانت طيب وربنا يبلغنا رمضان ويرزقنا فيه من سعته رحمة ومغفرة وعتق من النار
كل سنة وانت جميل وأصيل
كلمات أكثر من رائعة وصادقة
كل التقدير
وكل عام وانت بخير يارب
ماما أمولة
بل تقديرك أكثر من رائع
نشكر تشجيعك لنا
وكل عام وسيادتكم بكل الخير
السلام عليكم ورحمة الله
سعيد بزيارتى لمدونتك
كلمات جميلة تقر واقع الحال اللى احنا فيه اصبحنا فى زمن اسواء من الاقطاع على الاقل ايام الاقطاع كانت اللقمة متوفرة
سعيد بردك على تعليقى عند نوران تعليقى قصدت به من يتحكم بمصائر البشر واللى كثروا اليومين دول ده هيخش الجنة وده هيروح النار ده مؤمن وده ملحد و ده كاروهات مع ان لا يعلم ما بداخل الانفس الا الله
اما التعامل مع الشعراء بالكلمة نفسها فهذا خطا فتعودنا من اغلب الشعراء استخدام كلمات مثل رب ورسول و نبى وكذلك فى الادب ولم يقم احد بتفكيرهم حتى نزار القبانى فى البيت اللى ذكرته لم يقصد انه ملحد
سعيد بالحوار معك وسعيد بمعرفتى بك
تحياتى ابراهيم رزق
مرحبا أ/ إبراهيم رزق
نورت المدونة
بينى وبينك الزمن ده ليس أسوأ من زمن الإقطاع حتى الآن.
بصراحة لسة اللقمة متوفرة والهدمة متوفرة والتليفونات والكومبيوتر والكهربا عند معظم الناس.بس الخوف الحقيقى من الاتجاه اللى احنا رايحين له وهو اقطاع جديد.يمكن اقطاعيين زمان كانوا روحانيين شوية وعندهم رحمة وانسانية.لكن اللى جاى رنا يستر منه مادية فى مادية.
نورت المدونة وعايزين نتصل بيك
تقبل تحباتى
إرسال تعليق