الأربعاء، سبتمبر 10

هجم الشتا قبل الأوان.
خد م المكان.
كل الأمان.
ويّا الدفا.
صوتى اختفى
ما بقيتش سامع رنته.
ولا ضحكته.
ما بقيتش شايف غير جفا.
غير حزن مدفون من زمان.
راجع يحوّط كل شيء.
بيقول حياتى دنيته.
وعذابى راحته وجنته.
وما فيش أمان.
الليل رجعلى بوحدته.
زايد فى طوله وقسوته.
وسأل سؤال.
لساك فاكرنى يا فتى؟
وإلى متى؟
هاتعيش تدور ع الحنان.

هناك 16 تعليقًا:

norahaty يقول...

السلام عليكم ورحمة الله وبركاته
مع اصرارى
وعزمى وتصميمى
ياأستاذ مصطفى حيرتى يارجل!!!!
علم اجتماع وتفصيص للعلاقات الانسانية وبرعت فيه, شرح للكتب القيمة والاحكام والايات وكتبت وفهمتنا
شعر كمان !!:
ولو انى ما انسى اول تعرفى بمدونتك كانت شعرآ(اتارى اسمها نور) وقلت لك ساعتها انها الصدفة الجميلة انى هكذا ادعى ايضآ.
شعر جميل ورقيق اوى
(الليل رجعلى بوحدته.
زايد فى طوله وقسوته.
وسأل سؤال.
لساك فاكرنى يا فتى؟
وإلى متى؟
هاتعيش تدور ع الحنان.)
وانا اجاوبك ياأستاذ مصطفى طول ما فيه امل فى الله ورحمته الواسعة حنفضل نستمر فى البحث عن الحنان وسيظل الحنين يأخذنا اليه للبحث عنه

مع اصرارى يقول...

نوراهاتى

ده أنا غلباااان أنا

وانت بتقولى كلام كبير
مش لايق عليا نهائيا

بس من بقك زى العسل

تقبلى أرق التحيات
السلام عليكم ورحمة الله

norahaty يقول...

السلام عليكم ورحمة الله وبركاته
مع اصرارى
وعزمى وتصميمى
ما وضع التواضع فى شىءالا زاده
وذادك الله علمآ وخلقآ بأذن الله
(لكن بلاش غلبان دى خليها مسكين
لان الغلبان الوحيد هو ابليس فقد
طرد من رحمة ربه ورب الجميع الى الابد)
تقبل مرورى وتحياتى ودعواتى.

مع اصرارى يقول...

نوراهاتى
ده أنا مسكيييين أنا
استريحتى

يا ستى أهه كلام
هو فيه غلب أكتر من اللى احنا فيه

حضرة النبى صلى الله عليه وسلم كان بيستعيذ من غلبة الدين وقهر الرجال.
"فدعا ربه إنى مغلوب فانتصر".

والغلب واقع مش هاننكره.
وأصنافه كتيير.
أسوأها على حد علمى.
الهزيمة النفسية.
"إن تنصروا الله ينصركم ويثبت أقدامكم".

ربنا يأيدك بنصره وعزه.

تقبلى أسمى تحية:
السلام عليكم ورحمة الله

ahmed_k يقول...

معلش يا درش
رجع في كلامه وتحس أن الصيف رجع تاني
يعني الشتا عملها فينا وخلع
بس أحسن كده أهو الصيا في الحر
ثوابه أكتر

بس عايز أحييك على كلماتك
فعلا جميله وممكن نقول عنها
السهل الممتنع

وتقبل خالص تحياتي

مع اصرارى يقول...

Ahmed_k
يا يييت يا احمد
ياكن كيمت يا ييت عميها عميها ما بتعمى بيت.
شتاء السكون والوحدة أصعب وأمر من شتاء الطقس.
الشتاء شعور ببرد فى العواطف وجليد فى المشاعر وعواصف فى العقل وأمطار حول العيون وتساقط فى أوراق العمر.
ربنا يهنيك بربيع أيامك.

مع أسمى تحياتى
السلام عليكم ورحمة الله

Hina wi Hinak يقول...

كل سنة وإنتم طيبين

سبهللة يقول...

انا داخلة اقولك
كل سنة وانت طيب
وتقبل الله منك صيامك وقيامك وقرآنك
وجعلك من عتقائه فى رمضان

norahaty يقول...

السلام عليكم ورحمةالله وبركاته
وحمدلله على السلامة

غير معرف يقول...

Hello there

This is my first time to visit your blog, and I am amazed by your way of writing. Congratulations on an excellent post and an excellent blog as well

I would also like to suggest you visit this new blog as well. It is an amazing blog, with a very talented writer who discusses issues in the Egyptian society. The blog is called

http://fengan-shai.blogspot.com

Thanks again, and keep up the good work
S

dodda يقول...

حنان...
ما راحت فى الوبا.

norahaty يقول...

وحشتنا ياأستاذ مصطفى
يارب تكون والاسرة بخير

norahaty يقول...

الحمد لله رب العالمين
ربنا يطمنك كما طمئنتنا
رب يكتب سلامة الناس اجمعين

محمد فكري يقول...

سعدت بالمرور من هنا :)
..

تحياتي

norahaty يقول...

سلامى اليك
ودعواتى لك
بالسلامة أينما
أنت بـــأذن الله

norahaty يقول...

مليون حمد وشكر لله
طمنتنا عليك ربنـا
يطمنك ياأستـاذ مصطفى
ياأبو سناجق ورقية يارب.
حمد لله على سلامتك ومنتظرينك:)