الثلاثاء، يوليو 8

نعيب مكاننا



إقتبست الإسم من تدوينة نعيب زماننا
وللتذكرة بها أقتبس منها عبارة
"إن اللوم على الأيام هو أفضل مسكن لصداع المسئولية."
هذا إن كنا نتكلم عمن يعيب على الزمان
أما ما نحن بصدده الآن
فكيف نعيب على المكان
وسأبدأ بحيث انتهيت هناك بأبيات سيدى الإمام الشافعى
ولكنى سأغيرها مستأذنا من سيدى الإمام ومنكم
حيث سأجعلها تدمى القلوب وتقرح العيون إذ صارت
نعيب مكاننا والعيب فينا
وما لمكاننا عيب سوانا
ونهجوا أرض مصربغير ذنب
ولو نطق الزمان إذن هجانا
أعيد لعلى أزيد
إن اللوم على الأيام هو أفضل مسكن لصداع المسئولية.


إن اللوم هو القاتل الخفى القادر على سحق الإرادة وتدمير الهمة.


أيا من سكنّا مصر
هل نحن نستحقها؟

وليكن الكلام المختصر المفيد.


تقبلوا تحياتى


السلام عليكم ورحمة الله

هناك 32 تعليقًا:

ahmed_k يقول...

رقم 1
معاك كل الحق فيما قلت
فهل نستحق ارض مصر المعطائه التي ضمتنا والتي بها طفولتنا وشبابنا
هل نحن نستحق مصر
ان من يلام عليهم من جعلوا من مصر تئن تحت وطئة نهبهم لها وظلمهم ابناؤها
عجبتني ابيات شعر ذكرها أ/محمد الجرايحي في مدونته نبضات قلم
هذه الأبيات قالها أحمد شوقي وهو يئن من الم الغربه حينما كان منفيا لأسبانيا
يا ساكني مصر انا لا نزال علي-
عهد الوفاءوان غبنا مقيمينا
هلا بعثتم لنا من ماء نهركم-
شيئا نبل به أحشاء صادينا
كل المناهل بعد النيل آسنة-
ما أبعد النيل الا عن أمانينا

ودمت بكل ود

إيما ( أم البنين) يقول...

معك كل الحق ..العيب في الناس مش في الزمان ولا المكان ..لو كل واحد من المسلمين صلح نفسه وأهل بيته وعمل المطلوب منه في الارض حال البلد كله هينصلح
المدونه فيها أفكار كويسه ومشجعه وكويسه فكرة شرح الكتب ولو إني أنا شخصيا بحب قراءة الكتب دي زي ما هي ..ومش برتاح قوي للقراءه من الكمبيوتر ..ولكن الفكره كويسه وجزاك الله خيرا على حملك لهم إعادة الناس للقراءه
تحياتي

عصفور المدينة يقول...

موافقة
إن اللوم والعداء لأي شيء هو وسيلة هروب
وهذا الشي يتغير تكتيكيا تجنبا لمواجهة النفس

في حب مصر يقول...

للاسف ساعات كتير الناس بتخلط بين مصر كوطن وبلد وتاريخ وحضارة وبين الحكومة وعلشان كدة بيحسوا انهم بيكروها مصر.. بس هما في حقيقة الامر بيكروها النظام اللي بيحكم في مصر.
وبما اننا في غربة فاحنا اكتر ناس نقدر قيمة حب مصر الوطن.. وكلنا متفقين ان مصر مش تستحق مننا ابدا كدة..

تحياتي

مع اصرارى يقول...

احمد_ك
جميلة جدا جدا الأبيات
ورائع شوقى
وجميل تعليقك
إلا أنك لمت غيرك فجأة
تسائلت هل نستحق؟
ثم أجبت "إن من يلام"
ومتى كانت مصر لا تئن إلا قليل القليل من الأيام
رغم الأنين كان شعبها طيب شهم محب متعاون بهيج فرح مؤمن مؤدب
نعيب مكاننا والعيب فينا
نعيب زماننا والعيب فينا
نلوم على الظروف ولا نبحث عن أى عيب فينا.
أعتقد يا سيدى أن العيب فينا خطير وعلينا بإصلاحه بأنفسنا وبأيدينا
وسوف يكون لى تدوينة ثالثة قريبا فى اللوم لعلى أستفيض فى توضيح تلك الوجهة مما ارى

اشتاق الى تعليقاتك كثيرا ففيها من البعد والالهام الكثير

تقبل أسمى تحية
السلام عليكم ورحمة الله

مع اصرارى يقول...

ام البنين

شرفتينا يا ست الكل
حاولت أزورك لكن ماعرفتش اوصل لمدونتك عن طريق ملف التعريف

وأشكرك على المجاملة الرقيقة
وجعلنا الله عند حسن الظنون

تقبلى اسمى تحياتى
سلم الله عليكى ورحمته وبركاته

مع اصرارى يقول...

عصفور المدينة

شرف الموافقة كافينا
وتعليقك دائما يرضينا

اللوم يحجب العزيمة ويربى الإحباط والعجز

صدقت سيدى

ولك أصدق تحية
السلام عليكم ورحمة الله

مع اصرارى يقول...

فى حب مصر

صدقت يا صديقى بيكرهوا النظام الحاكم
أو بيلوموا على النظام الحاكم
لحد ما نسينا دورنا من كتر ما بنفكر فى دور النظام الحاكم

الأفضل إننا نستفيد بالطاقة المستهلكة فى هذا اللوم القاتل وتوجيهها فى حب مصر وأبناء مصر وتراب مصر اللى ها نسأل عليه يوم الدين

تقبل أبلغ تحياتى
السلام عليكم ورحمة الله

norahaty يقول...

السلام عليكم ورحمة الله وبركاته
مع اصرارى
(وعزيمتى وتصميمى)
بقولك ايه ياعم انت
انا مش اد الشعر الجميل
بتاع اصحابك
ولا اد التعليقات الثرية
بتاعت حضرتك
انا على ادىّ
واقولك ما اعرفه:
المثل البلدى بيقولك
جنة من غير ناس
ما تنداس
مصر حلوة بينا
واحنا حلوين بمصر
وإن كان على شوية
عكارة بسيطة فهى
لن تغير نيلنا ولا مصريتنا
ابدآآآآآآآآآآآآآآآآآآآ
ودعواتى لنا كلنا بالخير.

مع اصرارى يقول...

نوراهاتى

طب والله العظيم زى العسل
وجبتى م الآخر
وجنتنا محتاجة اللى يحبها زى ما هية
وتعبك يا مصر راحة
ولا إمارات ولا أمريكا
فقير فى بلدى أغنى من الدنيا بحالها

أحلى تعليق يا دكتورة
وصباح الأنوار

تحية ربنا الغالية للغاليين
السلام عليكم ورحمة الله

على عبدالله يقول...

السلام عليكم ورحمةالله وبركاته
جيت ع الوجع يا عم
مش هيعرف قيمتها غير اللى عايش براها(زى حلاتى )
بقالى سنة بعيد عن مصر بجسمى
بس جواها بقلبى وبروحى وبكيانى
فعلا والله العظيم
مصر ام الدنيا
مصر ام الدنيا
مصر ام الدنيا
مصر ام الدنيا

سبهللة يقول...

عندك حق

dodda يقول...

رغم ان الحال غريب
وانى بشوف وبسمع العجب فيها بس بحب كل مللى فى ارضها
حتى العشوائيات

بس اللى حوالينا غربونا واحنا فى بلدنا!!!!

أحمد كمال يقول...

10 على 10 يا مصطفى

كلها أعذار و أوهام بنزرعها في دماغنا ، و بنفضل نرددها لحد مانصدقها ، لحد ما ضميرنا يرتاح ، و ننسى .. إن إحنا السبب ! دي أحد الذرائع الشهيرة ، و نفضل نفكر إننا ممكن ننجح بشرط إننا نمشي من المكان ده .

أحييك

راجى يقول...

عزيزى

متفق معك تماما ان المكان مظلوم مثل الزمان والعيب فعلا فى من ترك كل تلك المساحات من ارض مصر وانحشر فى ذك الوادى الضيق
اشكرك على الفكرة الجميلة

نونو يقول...

سلم يمينك اخي
فعلا العيب فينا احنا
تحياتي لابداعاتك

ahmed_k يقول...

عزيزي مصطفي

فينك غايب عننا ليه
مشفتكش عندي من زمان
انا منتظرك وليك عندي مفاجأه

حولتلك واجب (تاج)
ياريت تسعدني وتشرفني بالزياره
ومنتظر اشوف اجاباتك عليه

دمت بكل ود
والسلام عليكم ورحمة الله

نهر الحب يقول...

زى ما حضرتك قلت
هروب من المسئولية
نعيب على الزمان والعيب فينا
وما لزماننا عيب سوانا
اتمنى انى ما كون لاخبط فى البيت
بس عموما احنا اللى مش صح
وكمان مش عايزين نواجهه انفسنا بالحقيقة


كل الاحترام

سبهللة يقول...

فينك من يوم 8/7
طمننا عليك

أختكم فى الله يقول...

مواضيع حضرتك فى منتهى الاهمية والجمال .. جزاك الله خيرا

عند حضرتك حق طبعا العيب فينا احنا مش فى البلد ولا فى الظروف .. ربنا يتولانا

دعاء مواجهات يقول...

معاك طبعا

وانا اصلا ممن ينادون بأن المكان لاذنب لة

رااجع تدويناتى

لتعرف اكتر وجهة نظرى فى هذة المسالة


تحيااتى لييك

مع اصرارى يقول...

على عبد الله
ربنا يهونها وترجع بالسلامة
لقلبك وروحك وكيانك
ويعود الجسد الغريب الى الروح الحبيب

وحشتنا يا على
وحشتنا والله

مع أحر تحياتى
سلام الله عليك ورحمته وبركاته

مع اصرارى يقول...

سبهللة

عندك حق
أنا اتأخرت كتيير
وفرحان جدا إن فيه حد سأل عليا
لأ ومين الباشمهندسة سبهللة بذاتها

ده أنا من السعداء والله
أسعد الله أيامك
وتقبلى أسعد تحياتى
سلام الله عليكى ورحمته وزبركاته

مع اصرارى يقول...

دوددا
ايه يعنى حتى العشوائيات؟!
ما احنا طول عمرنا عايشين وراضيين وحامدين.
ولا يعنى عشان من المعادى
ماشية يا سيدى الباشا باشا برده.

تقبلى اسمى تحياتى
سلام الله عليكم ورحمته وبركاته

مع اصرارى يقول...

أحمد كمال
والله يا أحمد أنا بقيت خايف من الاستسهال اللى احنا عايشينه ومعظمنا مش واخد باله
حالات كتيرة من الاستسهال والسلبية والقاء اللوم واللامبالاه ملت نفوسنا وسببت شلل ارادة عندنا كمجتمع.

10/10 ده الكلام
بس يا رب نلاقى تغيير حقيقى وتطبيق حقيقى من اللى كاتبه قبل اللى قريه
ألا إن نصر الله قريب

تقبل اعز تحياتى
السلام عليكم ورحمة الله

مع اصرارى يقول...

راجى

يا مهندس راجى يا صحراااااوى

واحشنى والله تعليقاتك وتدويناتك الجميلة
بحس انك بتكتب من مكان رايق حاجة كدة زى منتجع أو واحة أو شاطىء أو جزيرة

فى هدووء واحساس بالطبيعة مش عارف بيجيلى منين وأنا باتابعك

يمكن إسم مدونتك ليه علاقة؟!

بحبك يا راقى

مع اجمل تحياتى
السلام عليكم ورحمة الله

مع اصرارى يقول...

نونو

أشكر مرورك المشجع
ولا تغيبى حتى لا تغيب الشموس

تقبلى أوفر تحياتى
السلام عليكم ورحمة الله

مع اصرارى يقول...

Ahmad_K

تاااج الجزيرة
السلطاانية

يا عمنا الواجب محلول ومستنى تعليقك من سبعينات القرن الماضى

انا هاروح عندك علشان اشوفك عملت أيه فيه
ويا ريت ما دام اديتنى واجب يبقى تصححهولى وهتلاقيه فى تدوينتى أهلا بيكم

واحشنى يا أبو حميد

مع أعذب تحياتى
السلام عليكم ورحمة الله وبركاته

مع اصرارى يقول...

نهر الحب

أهنيكى على اسم مدونتك
جميل قوى نهر الحب

وسعيد جدا بزيارتك وتعليقك

وفعلا أحنا ساعات بنكون مش صح

زى ما بنلوم على بلدنا أو على زماننا أو حتى على نفسنا

اللوم فى حد ذاته قاتل
وقبول الذات ومحاولة رفعتها أفضل بكتيير وأصلح

المدونة نورت
مع أروع تحياتى
السلام عليكم ورحمة الله

مع اصرارى يقول...

أختنا فى الله
ده الاهمية كلها والجمال كله فى مشاريعك الطموحة
والاستفادة والتطبيق عندك للى بيحاول للأحسن يتغير

مع أغلى تحية
السلام عليكم ورحمة الله

مع اصرارى يقول...

دعاء مواجهات

طيب كدة يبقى أنا اللى معاكى وأؤيدك

وبشدة
وإن شاء الله هارااااجع تدويناتك على مهل وبمزاج لأن الموضوع عندك مش سهل
والكلام كبير وعاوز تركيز

شرفتنا زيارتك

مع أسعد تحية
السلام عليكم ورحمة الله

بت خيخة وأى كلام يقول...

انا جاية اقولك ان القلوب عند بعضها
انت قبل ما تيجى تكتب عندى تعليق
انا كنت عندك هنا
بس مافكرتش اكتب تعليق

ولما رحت مدونتى
لاقيتك كاتبلى تعليق
كنت هتجنن
لانى كنت لسة حالا عندك

انت ايه اللى مصحيك دلوقتى
طب انا كنت صاحية علشان اصلى الفجر
واوضب فى الشقة
انت صاحى ليه بدرى اوى كدة؟


سلام
اختك خيخة