السبت، أبريل 26

شكلك مهموم

ليه على طول شكلك مهموم؟
هم الدنيا باليك واساها
حاطط فوق منك بالكوم
لأ يا اخينا صحصح فوق
من أحزانك نفض قوم
أوعى فى يوم تحزن على دنيا
أحلى ما فيها شوية نوم
و فى حقيقتها مرار و قسية
مهما هاتفرح مش هيدوم
فرحك ليلة اتين والتالتة
حكم الدنيا عليك هايكون
أوعى تصدق ان اتنين
عاشوا قصة حب هنية
كل حكاية وليها بداية
ليها نهاية تكون بأسية
أوعى تصدق مخرج سيما
ختم الفيلم ببوسة طرية
لسة القصة كتيير ممدودة
وصلت بيهم آخر الدنيا
ولدنيتنا نهاية معروفة
لازم فيكى فراقنا يا دنيا
طيب ليه نحزن على ايه؟
واحنا حزانا ايامنا الجاية.

هناك تعليقان (2):

وعد يقول...

جميله جدا

الله يجعلك دوم مرتاح ومبسوط

مع أنه مافي راحه إلا في الجنه

عجبتني النقطه اللي فيها أنه أحلى مافي الدنيا شويه نوم

موفق

مع اصرارى يقول...

ياااه يا وعد
فكرتينى بالمدونة
ربنا يوعدنا بالجنة
شكرا لمرورك