القصيدة دى كتبتها سنة 1998 ايام عبدة الشيطان
بس ايامها ما كانش فيه مدونات عشان انشرها
النهاردة الاتصالات اتقدمت وبقى فيه مدونات
بس يا ترى فيه ايه تانى غير عبدة الشيطان؟
.
.
.
.
.
.
.
جوه قلبى
الف صرخة وآه قوية
الف حسرة
ع اللى كانوا بين ايديا
ضيعتهم . . دنيا مشلولة وهزيلة
والنهاية
نار تدوب فيها الخطية
والبداية
هاحكى ليكم م البداية
والحكاية
خطوة من واحد لمية
ابتدينا
شفنا فيلم وتمثيلية
شفنا عبد الله بيقتل
والحكاية المفترية
قلتوا ارهابى وهو
حب ربه دين ودنيا
قلتوا كافر لأ وكفر
قلتوا سارق قلتو زانى
قلتو يامة كتير وعدتو
والحقيقة انكوا انتوا
......
انتوا ضيعتوا الحقيقة
وانتوا عارفين الحقيقة
واتنوا غافلين ع الحقيقة
وانتوا خايفين م الحقيقة
والنفاق والكدب كنتوا
ابتدينا
شفنا حفرة بتتحفر تحت الايمان
شفنا رقاصة بلدنا الالعبان
شفنا حتة واد مهكع.. مغنواتى
هو سلطان الزمان
هو ضيف حلقة اذاعتنا النهاردة
لما ينصح نسمعه من غير معاندة
بنطلون جينز وحزام وقميص بوردة
هى مودة العصرايوة . . اسمعوه
حتى لو كات جزمته فردة وفردة
ليست هناك تعليقات:
إرسال تعليق