جرحك علم

نفسى ف هدوووء

ارتاح من الحلم اللى صابنى بالهوس
ارتاح من الحب اللى بيجرَّح فى حسى
ارتاح من الأشواق لبكرة فى الوطن

كان حى لسة من دقيقة ومات خلاص
وبعد ساعة هايندفن
هانشيله ونروح ع الترب
هانروح بعيد
وكل خطوة فى المسير

تبعدنا عن صوت الألم

صوت الضجيج
صوت الرصاص
صوت الصياح

***
الحلم ف عيون الوطن

****

مات واستراح

ماخدش حلمه معاه
ده سابه ف الميدان
والنبض لسة بيسرى فى الأمل

والجرح بيزيد الألم

****

جرحك معاك فى القبر ولا

 سيبته فى الميدان
خليلى جرحك يا فتى

محتاج لجرحك

اشعره واحس بيه

جرحك أمان رغم الوجع

مافيهوش ندم

محتاج لجرحك
أعمله لوطنك علم